Ngano Si GiboTeodoro Man Ang Angay Mag Presidente?

Ang mga sumusunod, mao'y pipili lamang sa mga hingpit nga pagka-anindot nga karakter ug abilidad ni Gilberto "Gibo" Teodoro.

UP dean's medalist, bar topnotcher, nagmasters sa Harvard, pasado sa New York bar exams. Busa gipili ang Secretary of Defense sa edad nga 43. Kabataang Baranggay Central Luzon Chairman sa 15 ngadto sa 21 anyos pa lang. Sa mga presidentiable forum ug debate siya ang pinakamaayong motubag. Klaro ang panan-aw lawum ang panglantaw sa problema sa nasud ug ang solusyon niini. Pero dili gyud mosaad ug sobra.

Tanang dalan sa iyang congresyonal distrito sa Tarlac na-sementado, tanang barrio gawas usa natauran ug kuryente, mga eskuywelanahan naayo. Sa iyang pagka NDCC chairman sa Ondoy, gidayeg sya sa Presidente sa Fil-Chinese Chamber of Commerce and Industry kay talagsaon ang iyang malampuson ug maganiron nga serbisyo nga wala gyud siya mangita ug pag-ila ug pagpakita sa media.

TUL-ID UG MATARONG: Dili kurakot. Sa pagka DND Secretary nalimpyo niya ang bidding sa iyang departamento, mao na nga walay under the table ug pangurakot. Usa ka abogado nga taga Cebu nagpraktis sa Manila nga ang kliyente langyaw niingon nga sa pag-baligya ug galamiton sa DND sa kantidad nga milyones pesos, nipasidayeg gyud ang langyaw kay wala gyud mangayo si Gibo ug bisan usa ka centavo unya ang mga sakop ubus niya wala sab kay naikog sa boss nga tarong gyud kaayo. Kada bidding ipa-oversee niya sa private sector representative, uyon sa Bishops-Businessmen Conference of the Philippines.

MAPAHI-UBSANON: Dili gyud hambugero, o garboso, kamao maminaw sa mga tawo.

SAKTONG KAISUG: Gipakita iyang kaisug kadtong sa Maguindanao masaker. Ni adto dayon ug gikuyugan si Toto Mangudadatu para mo file sa iyang kandidatura laban sa mga Ampatuan.

MAY BARUGANAN: Dili gayud magpatuta o maduktahan. Bisan dako ug utang kabobot-on si PGMA sa mga Ampatuan, gi-expel dayon ni Gibo sila sa iyahang partido Lakas.

LARINO MANULTI: Walay likoliko, ug claro, ug en punto. Kinahanglan sa presidente maayo gyud manulti para mapadasig ang taganasud molihok para sa kauswagan.

MAKAPAGPAHIUSA: Si Gibo wala gyud modaut sa iyang kaatbang. Matud niya, kada tawo naay pagkabuotan. Naamgo niya nga ig-kahuman sa eleksyon, kinahanglan magtinabangay ug maghiusa kitang tanan. Ang kampanya gi-sentro sa gitawag nga "professional and positive campaign".

Sila si Presidente Magsaysay ug Ramos puro Defense Secretary, sama ni Teodoro... Unsay naa sa iyang trabaho nga nakapreparar niya? Kung Sec. of Defense ka, mahibal-an nimo ang mga problema gikan sa Aparri ngadto sa Jolo. Dili lang seguridad sa nasud batok sa langyaw o gera, kun dili seguridad sa pagkaon, sa environment, sa kalamidad. Kay siya man ang chairman sa NDCC nakasulay siya unsaon pagkoordinar o pagpatakdo sa lain-laing departamento sa gobyerno, sama sa DSWD, AFP, Health, Public Works. Ug wala gyuy makaingon sa pagbuhat niya niini nga siya nagpasigarbo o nag "grandstanding".

EDUKASYON: Usa ka college graduate kada pamilya. Pinaagi sa student loan nga mabayran ra unya sa SSS deduction inig makatrabaho na. Ang ibayad unta sa ginikanan para sa college niya magamit na sa sunod nga bata.

AGRIKULTURA: Ipalambo ang agrikultura, i-pamag-o ang pag-uma para daghan ug barato nga pagkaon, ug mahibalik ang pag-uma sa pagkamadungganon nga propesyon...

SMALL BUSINESS: Magtakda ug mga programa para gahinan o mahatagan ug puhunan ang mga gagmay nga negosyante. .

PEACE AND ORDER: Padaghanon ang armed forces ug pulis para mabara ang krimen ug giyera.

GOOD GOVERNMENT: Silotan ang nasayop, premyohan ang matarong.

KASANIHAN (HEALTH CARE): Universal participatory health care -- ipadaghan ang mo-apil ug mo-amot sa Philhealth para mas daghan ang matabangan.

ENVIRONMENT: Magmugna ug ipatuman ang mga balaod para sa hustong pagpwesto sa mga puloy-anan para dili madali ug kaamo ang katawhan sa mga kalamidad. Sa pagpatuman sa balaod, matabangan siya ni EDU MANZANO, ang iyang gipiling bise-presidente. Ang maayong programa sa gobyerno sama sa Pantawid Pamilya Program nga mitabang sa pinakapobreng pamilya iya gayud nga ipadayon.

Panagsaon ra gyud kaning klase nga kandidato. Hinaot dili nato usikan ug atong tabangan sa pagkampanya. Kada adlaw sa kang bisan kinsa para sa atong kaayohan. Ug i-ampo nato sa Diyos.

Sa mga taga siyudad sa Sugbu (Cebu City) nga gusto mamahimong volunteers para sa Green Team Cebu Sulong G1bo Lipad Tayo activities, or ganahan mo apil sa kampanya alang kang G1bo Teodoro, adto lang sa pinakaduol nga center or bisan kaha sa main headquarter sa 2nd Flr., Shamrock Building, Fuente Circle, Cebu City.

Join our Green Team - Cebu Facebook Team to know more of the latest updates.